ڇا رنگ وجود رکن ٿا ـ منير حسين

Sun to Apple and Apple to Eyes اسان پنهجي آسپاس موجود هر شيءَ کي رنگين ڏسندا آهيون، هر شيءَ کي پنهنجو رنگ هوندو آهي. آسمان کي نيرو، صوف کي ڳاڙهو، گلن کي به مختلف رنگ ٿين ٿا ۽ هر جانورکي پنهنجو رنگ ٿئي ٿو. رنگن سان هي دنيا ڏاڍي خوبصورت ۽ وڻندڙ ٿي لڳي. ٿورو سوچيو جي رنگ نه هجن ها ته اسان کي دنيا ڪيئن نظر اچي ها؟ ڇا اها ايتري هي وڻندڙ هجي ها جيتري هينئر رنگن سان گڏ آهي؟ جيڪڏهن رنگن جو وجود صرف اسان جي ذهن ۾ هجي ۽ حقيقت ۾ رنگن جو وجود نه هجي ته ـ
رنگن کي ڏسڻ لاءِ اسان کي روشني جي ضرورت پوي ٿي، سج جا شعاع اڇي روشني ڏين ٿا. روشني لهرن ۾ سفر ڪري ٿي. انساني اک صرف ٽي سو نوي نينوميٽرس کان ست سو نينوميٽرس جي روشني جي لهري ڊيگھ کي ڏسي سگهي ٿي. انڊلٺ جا سڀ رنگ روشني جي انهي لهري ڊيگھ واري حصي ۾ اچي وڃن ٿا. روشني جي تيز رفتار ۾ سفر ڪرڻ جي ڪري اسان صرف روشني کي اڇي رنگ ۾ ڏسي سگهندا آهيون. روشني جا عام رنگ ٽي آهن: ڳاڙهو، نيرو ۽ سائو، باقي ٻيا رنگ انهن جي ملاوٽ آهن. هڪ ئي وقت هڪ ئي اسڪرين تي انهن رنگن جي ملڻ سان اسان کي اڇو رنگ نظر ايندو آهي. اسان روشني جو ٻيون لهرون ڏسي نه سگهندا آهيون جنهن ۾ الٽراوايوليٽ، ريڊيو ويوز، ايڪسريز ۽ مائڪروويوز شامل آهن ـ
جڏهن سج جي روشني ڪنهن شيءِ ۾ پوي ٿي ته ان وقت سڀ رنگ موجود هجن ٿا، انهيءَ شيءِ ۾ موجود پارٽيڪلس جي بناوٽ سان روشني موٽ کائيندي آهي ۽ ان شيءِ ۾ روشني جي رنگ واري لهر موٽ کائي اسان جي اک ۾ پوي ٿي ته اسان کي ان شيءِ جو رنگ نظر ايندو آهي. ڪجھ رنگ ان شيءِ ۾ جذب ٿي وڃن ٿا ۽ اهي رنگ جيڪي موٽ کائن ٿا انهن کي اسان جي اک ڏسي سگهي ٿي. هڪ صوف ۾ جڏهن سج جي روشني پوي ٿي ته روشني جا ٻيا رنگ ان ۾ جذب ٿي وڃن ٿا، صرف ڳاڙهو رنگ ان مان موٽ کائي اسان جي اکين ۾ پوي ٿو تڏهن اسان کي صوف جو رنگ ڳاڙهو نظر اچي ٿو. روشني جي سڀني رنگن جي موٽ کائڻ سان اسان کي اڇو رنگ نظر اچي ٿو ۽ روشني جي سڀني رنگن جي جذب ٿيڻ سان اسان ڪارو رنگ ڏسندا آهيون. رنگ ڪنهن به شيءِ ۾ موجود نه هوندا آهن اهو اسان جي اک تي مشتمل آهي ته اها ڪهڙين لهرن کي ڏسي سگهي ٿي. جيئن ماکي الٽراوايوليٽ جي لهرن کي ڏسي سگهي ٿي ـ
هاڻي اوهان ڄاڻي ويا آهيو ته روشني ئي رنگن کي پيدا ڪري ٿي، جڏهن اسان ڪو ڳاڙهو صوف ڏسندا آهيون ته اسان يقين ڪندا آهيون ته اهو رنگ ان صوف جو آهي، پر ائين نه آهي. اوهان ان صوف کي ڪنهن اهڙي ڪمري ۾ رکو جنهن ۾ ٻاهرين ڪا به روشني داخل نه ٿي سگهي ۽ ان ڪمري ۾ اوهان صرف نيري روشني ڏيندڙ بلب جي روشني ڪندا ته هاڻي اوهان کي اهو صوف ڳاڙهو نظر نه ايندو ڇاڪاڻ ته نيري روشني ڏيندڙ بلب ڳاڙهي روشني نه ٿو پيدا ڪري سگهي. جيڪڏهن رنگ ان صوف ۾ هجي ها ته اهو اسان کي ڪنهن به روشني ۾ پنهنجو رنگ ضرور ڏيکاري ها ـ

اسان جي اک ۾ ڪون نالي سيل ٿين ٿا جيڪي رنگن کي ڏسڻ ۾ مدد ڏين ٿا، ڪونس کي ٽن حصن ۾ ورهايو ويو آهي. هڪڙا ڪونس اهي آهن جيڪي اسان کي ڳاڙهي رنگ ڏسڻ جي ڪم ايندا آهن، ٻيا ڪونس اسان کي نيري رنگ ڏسڻ جي ڪم اچن ٿا ۽ ڪون سيلز جو ٽيون حصو اسان کي سائي رنگ ڏسڻ جي ڪم ايندو آهي. ڪجھ جانورن ۾ صرف ٻن قسمن جا ڪون سيلز ٿين ٿا جنهن جي ڪري هو اهي سڀ رنگ نه ڏسي سگهندا آهن جيڪي اسان ڏسي سگهون ٿا. مطلب ته اسان صرف اهي رنگ ڏسي سگهندا آهيون جيڪا اسان جي اک ڏسي سگهي ٿي. ڪون سيلز جي ڪمزور هجڻ سان ڪجھ ماڻهو رنگن جي صحيح سڃاڻپ نه ڪري سگهندا آهن، انهن کي ڪلربلائينڊ چيو وڃي ٿو ـروشني جون اهي لهرون جنهن کي اسان ڏسي سگهون ٿا ان ۾ اهي سڀ رنگ به نه آهن جيڪي اسان پنهنجي آسپاس ڏسون ٿا، جيئن گلابي ۽ واڱڻائي. جيئن ته اسان مٿي پڙهي آيا آهيون ته هر رنگ کي لهر ٿئي ٿي، پر گلابي ۽ واڱڻائي اهي رنگ آهن جنهن کي پنهنجي ڪابه لهر نه ٿي ٿئي. روشني جي لهري ڊيگھ مطابق جيڪي لهرون اسان ڏسي سگهون ٿا انهن ۾ گلابي ۽ واڱڻائي رنگ نه آهن. گلابي ۽ واڱڻائي اصل ۾ ڳاڙهي ۽ نيري رنگ جي ملاوٽ آهن پر لهري ڊيگھ جي حصاب سان اهي ٻئي رنگ هڪ ٻئي جي مخالف ڇيڙي تي آهن ته پوءِ گلابي ۽ واڱڻائي رنگ آهن ڇا؟ اهو به ممڪن آهي ته گلابي ۽ واڱڻائي روشني جون اهي لهرون جنهن کي اسان جي اک ڏسي نه ٿي سگهي ۽ اسان جي اک انهن کي رنگن ۾ ڏيکاري ٿي. ڪون سيلس جي ڪري اسان انهن لهرن کي رنگن جي شڪل ۾ ڏسندا آهيون. مطلب ته جيڪي رنگ اسان کي روشني مان نه ٿا ملن اسان جي اک انهن رنگن کي ٺاهي ٿي. جيڪڏهن روشني جي لهري ڊيگھ جنهن کي اسان رنگن جي شڪل ۾ ڏسو ٿا ته اهي رنگ به روشني جي ڪري نه پر اسان ڪون سيلس جي ڪري ڏسي سگهون ٿا، ته پوءِ رنگ جو وجود صرف اسان جي ذّهن ۾ آهي. اسان روشني جي لهرن کي ڏسي نه ٿا سگهون ان ڪري اسان انهن کي رنگن ۾ ڏسندا آهيون ـ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s